المسرحية.. قصيدة للشاعر محمود العشري

المسرحية.. قصيدة للشاعر محمود العشري محمود العشرى
كتب -

تنشر “ولاد البلد” القصيدة الحائزة على المركز الأول بمسابقة الشعر والزجل على مستوى مراكز الشباب بنجع  حمادي، والحاصة على المركز الأول على مستوى قطاع  شمال قنا لمراكز الشباب، التي أقيمت تصفياتها أمس الخميس، وتم التصعيد للمنافسة بالمسابقة على  مستوى  محافظة قنا.

قسمونا زي شركة واحنا عادي مسلمين.. مصر إخوان ويا عسكر.. سوريا “بشار” ليبيا “حفتر”

وهما زي حمام سلام.. واحنا نقتل بعض عادى مغفلين

هما قاعدين زي مخرج.. أو يدوب متفرجين

بس ده مش تمثيل في مسرح.. ده طلق نار وسلاح بيجرح

اللي ماتوا آلاااف كتيييييير.. واللي سارح في البلاد بيشوف له مطرح

بس لحظة:

خش جه دورك ياباشا.. قول روايتك** أيوة أهو أنا جاي هطلع..

فيه خناق فى المنطقة ..والوضع شايك..والكون هيوقع

أوك تمام خش يلا هناك قوام قوات سلام ع الوضع سيطر

وبعد فترة…….

هاا يابيه بقيت الأوضاع تمام لم قواتك ومن بلدنا لو سمحت اطلع

مش قولتوا قوات سلام….أهى الأوضاع صبحت تمام

جلسة طارئة…اجتماع عاجل يافندم ..بيقولوا نطلع؟

اقتل ودمر* وابقى انت هناك بعيد، زى رسول سلام مش أكتر

وبكده مش هنطلع م المكان هتزيد نفوذنا عليه ونسيطر

مسرحية علينا خااالت …والبلاد أحوالها مااااالت …والعرب زى الخراااف ..أى حد يسوقنا عادى ….حتى لو كان هو تعلب

امتى يترفع الحصار…امتى مانبوسش الدولار …الله أعلم

هيا فعلا مسرحية خلاص وبااخت والعقول من الفكر داااخت …باختصااار

دى نهاية المسرحية …نزل خلااص يابنى الستاااار …

الوسوم