حبة وجع

حبة وجع
كتب -

كتب –  فادي ماهر:

مابين حلم طفل وهو بيخطي

والدموع اللى لسه ياما على خدي

وحدوتة زمان من ستي

ما بين أبواب مقفولة على أوضتي

في محطة وفات فيها أول قطر

والحلم اللي تعلق على شماعة وتركن

ما بين الخط اللي نزل من على السطر

والحنين والشوق للوطن

ياما كان في عشرة وجيرة

ما بين الضحكة والتكشيرة

أجمل لحظات في يوم عشتها

ما بين ألف كلمة أنا قولتها

أمي اللي في يوم ربتني

ولا حبي لبنت حتى لو نسيتني

ما بين صورتي اللي باهت

وأحلامي اللي في الدنيا تاهت

ضربت كف على كف

لقيت جوايا حبة وجع

لفيت الدنيا كلها

ملقتش حد جدع

لـ حبيب نسيت ملامحة وكمان شكلة

لطعم المر لما يزيد جرحة

لآخر حد مش فاكرة

وأكتر صاحب كنت برتاح له

بعد غيابي..

لأبويا اللى أخدته في حضني

إلى أحبابي..

لأمى اللي شايلاني في الننى

لأبويا اللي على كتفى أتكي

وحلم الواد اللي ضاع فبكى

يبان الضحك في عيوني

وبخبي الدموع لو سألوني

الوسوم