في ذكراكم – قصيدة لـحنا عادل

في ذكراكم – قصيدة لـحنا عادل
كتب -

شعر- حنا عادل النجار

طالب فـ 3اداب فرنسي

من ابناء قرية كوم البيجا بفرشوط

 

في ذكراكم عمرنا لحظه منسيناكم ….

دايما في قلوبنا محفورين…

وعمركم مهتبقوا ف يوم مانسيين….

وهتفضل ذكراكم نقش ع كفنا لحد يوم الدين…..

ده حتي ف اللمه والفرحه بتاعه يوم العيد….

عمرنا برضي منسينا دم الشهيد….

.دم الشهيد الي مات علشان مصر تعيش….

وعلشان الفلاح البسيط يلاقي لقمه العيش…..

كل شبر وكل خطوه ف اراضيكي…….

تشهد ان الشهيد كان واقف بسلاحه راجل علشان يحميكي…

.ولا عمره خاف وقال انا مالي….

ده دايما كان بيقول مصر كل همي وكل حالي…..

وعلشان النسر ف العلم يفضل رافع راسه وفرحان…..

الشهيد قدم دمه ولا عمره كان ف يوم زعلان….

.ده كان كل همه…..

يشوف ضحكه ابوة وامه….

طول ما ابونا وشيخنا ايد واحده قويه ……

عمر مصر مهتروح منها الوحده الوطنيه…..

شهدائنا شعب وشرطه وجيش……

ومهما يروح منك شهداء برضي ضحكتك يامصر هتفضل تعيش……

ولو انتي ماتضحكيش انا ليه هفضل اعيش….

.دانا من غيرك من الحبايب ماليش……

نفضل نقرا رسايلهم ودموعنا تنزل بحرقه…..

واحنا بنسال نفسينا هما ازاي ف اللحظه دي وقفوا اسوود والدنيا بالنسبالهم بقيت مش فارقه……

دموع الام ملت بيادته بدل الدموع دم……

تبكي وتصرخ وتقوله رد عليا ياولدي دانا من بعدك شلت الهم…….

الاب يبكي والدموع اتحفرت ع وشه …..

ويقول سيبوني ابكي دانا كنت عايش ياناس ع حسه……..

ف وسط صحابه كان محبوب وطيب القلب……

بس رصاص الغدر مسبهوش يبقا اب…….

ده الصحرا اتحولت لنهر دم…..

.واستشهد فيها الاخ ومعاه ابن العم……

ومهما يروح كل يوم دم شهيد هتفضل مصر راسخه قويه ……

وهتفضل مستنيه من ولادها التضحيه……

ف ذكراكم عمرنا لحظه منسيناكم …..

وهنفضل مستنين لحد لقاكم..

الوسوم