مجرد خيط.. شعر محمد ناجي

مجرد خيط.. شعر محمد ناجي
كتب -

مجرد خيط

دايب وبسيط

ملفوف ف ماسوره

فى درج فى اوضه فى قلب البيت

مش ملضوم

كان ابيض – ومتغرب

عن الابره

وكله هموم

مش لاقى هدوم

ولا اي قميص

يدارى عيوبه من القصاقيص

كان حلمه فقير

معملش من الحبه قبه

كان حلمه بسيط

كله محبه

كفه

تمد كفه

ومين يلضم حزننا فرحه

ومين لاا

ومين يبعد

ومين اوله انه يتبقى

الخيط اتالم من جوه

الخيط نصين

بقى كله نصاص

كان اصلا خيط حساس

ياما دارى خروق

ف قلب التوب

من غير حسبه ولا مقاس

الخيط الدايب ..كان قلب

داب اكتر من الناس

ملاقاش ترزى برئ

او بنت جميله تبل الريق

فاحتاس كان نفسه يعيش

ماتعاش فاضطر يسيب

يفلت خيطه

ما يلضم صنف قماش

الوسوم