منيو الغلابة

منيو الغلابة
كتب -

شعر ـ أحمد وحيد:

كرهتكم كلكم وعمري ما أكرها

عاملين نفسكم بتحموها

وأنتم اللي بأديكم بتخنقوها

كل واحد منكم عاوﺰ يمشيها بكيفه وبمزاجه

واللي بيمسكها منكم فاكر نفسه النهارده يوم زواجه

حججكم قدمت وباخت أنا بخاف عليها أنا عاوز أحميها أنا وأنا وأنا

هي مش خايفة من حد ومحدش يقدر يأذيها

منتم متعرفوش مين اللي بيحميها

أنتوا نسيتو ولا إيه أنتوا نسيتو ولا إيه

استدعاء للغلابة

ياشاويش هات المنيو للغلابة

يا غلابة اختارو اللي عايزينه طلباتكم أوامر المنيو فيه كل حاجة

فيه جريمة قتل سرقة نصب احتيال اختارو اللي تختاروه

إحنا مش هنجبركم علي حاجه مكانكم في السجن محجوﺰ

ولا يهمني صغير ولا حتي عجوز

وأنا مش بستغل النفوﺰ

ومها تحاولوا تنتصروا أنا برضه اللي هفوز

سكتين ليه سكتين ليه

بنحبكم علشان كده هنكرمكم

علشان متقولوش علينا ديابه

وإنكم عايشين في غابة

إحنا صحيح ياباشا غلابة

وبنتفرم تحت الدبابة

وبنقول الشهادة

وبنبقوا في منتهي السعادة

بس أنتو متعرفوش إن مصر ولادة

ومهما تسجنوا فينا مش هنخاف

مهما تقتلوا فينا مش هنقل

مصر ربنا  حاميها

ومحدش يقدر يأذيها

وعمرك يا صهيوني ما هتاخد شبر من أراضيها

الوسوم