كريمان سالم تكتب.. «أنا أبسط حاجة بتبسطني»

كريمان سالم تكتب.. «أنا أبسط حاجة بتبسطني» كريمان سالم

أنا أبسط حاجة بتبسطني

وكلمة بسيطة بترضيني

أنا أبسط كلمه تشجعني

وتعلي الهمة تقويني

أنا أكتر حاجة بتوجعني

أما أبعد عن ربي حاميني

بفضل ف الحزن ويسبقني

أنين قلبي ودموع عيني

أنا أكتر حاجة تدمعني

لما ربي بيرضيني

أنا أصغر فرحة تفرحني

لو كلمة ظلم بتجرحني

وبحارب ضعفي وبتحدى

لما شيطاني بيغويني

أنا كلي آمال أحلام وطموح

رضا ربي كمان عزة ديني

ومعاها أجراس من أملي

في الغفلة ترن تصحيني

فأرجع من تاني

عزتي ملياني

وثقة ف الله

أمل ونجاة

بمنحها لنفسي فتهزم بأسي

تمنحني حياة

ولبكره أكيد هتعديني

وآخرها طموح بيصحي الروح

مصاحبني وين مابروح

وف لحظة يأس يقويني

أنا أصغر جمله تصبرني

علي كل صعابي تقدرني

وقوة كبيرة بتلهمني

أنا أسعد حاجة بتسعدني

وتطمن قلبي تهديني

ويادوب كلمة تعلي الهمة

بسرعه الين

تخطفني أوام

ولعالم تاني توديني

مانا أبسط حاجة بتبسطني

وكلمه بسيطة بترضيني

 

الوسوم